* خلــق الجمــــال *

نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ. الأستاذ محمود محمد طه

الثلاثاء، يوليو 28، 2020

قصيدة: صفا واحد واغنية للثورة

مزيد من المعلومات »

السبت، يونيو 27، 2020

قصيدة: نطق الحرف واغنية أحلي البنات

(نطق الحرف)

لو الزمن

إرجع إعود

نعبر حواجز

بينا

نجتاز الحدود

نطلق سراح

إحساس مكبل

بالتقاليد والقيود

وأتخيلك
وأقيف
أتأملك

والقاك

ملاك وشايلة

في يديك

ورود

وأقيف أتأملك

عينيك مكحلة

غير كحل

ياها العيون

الحلوة سود

وأتخيلك

نتلاقي

في سودان

جديد

عالم فرح

أيامو كلها

عيد في عيد

وأقيف أتاملك

وأسرح بعيد

ماشين سوه
ايد في أيد

نشوان

مع نطق الحروف

لكن وحاتك

ما رويت

وراجي المزيد

(حرف مميز)

لمن إطلع
بين شفاهك
أموت شهيد
نطق الحرف
فوق الوصف
وعذاب شديد

وفي جواي

أقول ..

يا ريت تواصل
ياريت تعيد

ويا الله

الطف بي

وجود

🍒🍒

ولو الزمن

إرجع إعود

رغم الظروف

وشقي البريد

بهديك حنان

وأتمني ليك

عمرا مديد

ما إنت

يا حلمي الوحيد

كلما تعدي السنين

جمالك إتنامي

وإزيد

وأتخيلك

والقاك هناك

وانت القريبة

وكيف أكون

منك بعيد

البيني بينك

إحساس ولهفة

وشوق شديد

ودم بجري

مع الوريد

البيني بينك

ذكري غاليه

ديمه بطراها

وأعيد

البيني بينك

لا بتحكي

ولابتوصف

وأحلى

أبيات القصيد

======

تاج السر حسين

جوبا 27/12/2020

السبت، مايو 23، 2020

قصيدة: دموع بت عبد الرحيم ونشيد اصبح الصبح

((دموع بت عبد الرحيم))

ابكي يابنية

وزودي

الدمعات شوية

إمكن تتذكري

من الآف

الضحايا

ضحية

بتبكي

علي ابوك

معذورة

باين ما كلموك

وما قالوا ليك

الماتوا كم؟!

والطفشوا كم

والغرقوا كم

وإغتصبوا كم؟!

والجنوا كم؟!

ما كلموك

عن مجدي

كيفنو

اتظلم

لا المخلوع

علي امو حن

ولا شيخو

قلبو عليها

رق ولا رحم

ابكي يا بنية

وزودي

الدمعات شوية

امكن تتذكري

من الاف

الضحايا ضحية

وزي ما قالوا

جيرانا

(محال الدم

يصير ميه)

ما كلموك

يابنية

عن ناس

دفنوها حيه؟!

وما كلموك

عن القضية؟!

عن دارفور

ومنو القاتل

ومنو المأجور

ومنو المغرور

ما كلموك يابنية

عن شهداء

بالالاف

وفوق ميتين

زادوهم مية؟

نساء ورجال

عملوهم شية

ومافضل

غير ياكلو

كبادهم نية

لا رحموا صغار

لا خلوا سعية

ما كلموك

يا بنية

عن كرام الناس

عن شهداء

الحق والإخلاص

ابكي يابنية

وزودي

الدمعات شوية

كان تتذكري

من الآف

الضحايا ضحية

ابكي وازرفي

الدمع الثخين

ما كلموك

عن الشهداء

عن ثمانية

فوق عشرين

عن الكدرو

ورفيقو

ود الزين

عن الخلي ولدو

في بطن امو

لسه جنين

عن الحرموهو

فاتحة ابوهو

ود السيد

صلاح الدين

عن بلول

وعن كرار

وزميلنا

تاج الدين

عن الباقين

ديل ما كانوا

سودانيين؟

ديل ما ليهم

اهل

وما كانوا

بملوا العين

ده ياهو الدين؟!

ما كلموك

يا بنية

عن سرقة

وطن

عن التمكين

ما كلموك

عن الكلام الشين

كلاما ني

* اكسح امسح

ما تجيبو حي*

بتبكي علي

ابوك

وابوك

مرتاح

ومرطب

لا خازوق

لا مسمار

لا أتعذب

ما كلموك

يا بنية

وابوك يادوب

ما كمل سنتين

ما قالوا ليك

في رمضان

قبايل عيد

في ناس

دفنوها

في ساعتين؟!

ابكي

وزودي

الدمعات شوية

امكن تتذكري

من الآف

الضحايا ضحية

===

تاج السر حسين

الأحد، مايو 03، 2020

قصيدة: ثلاثة مقاطع واغنية سودانية سود

(سودانية سود)

ثلاثة مقاطع لروح الشهيد

((محمد الصادق ويو))

"مقطع أول"

الغضب جوه الجوف لهب

والألم (حبس) القلم

(سجن) الكلام

وإتمدد الحزن القديم

مليون ميل مربع

ما الحزن

لا بعرف حواجز

أو حدود أو إنقسام

يا محمد ..

يا صاحب البسمة الوضئية

يا راحلا

كالنجوم وكالنسائم والغمام

قتلوا البراءة فى عيونك

يا بنى

فآه وألف آه

وعلى الدنيا السلام

يا ساكن القصر الكبير

يا مجرم العصر الخطير

ما فضل ليك الكثير

لن تهنأ

ولن يهنأ خفافيش

الظلام

فدولة الظلم تدوم ساعة

ودولة الحق تبقى على الدوام

(مقطع ثان)

أرقب هجرة اسراب الحمام

بإنتظام

أطالع السماء

فيؤرقنى السؤال

ولى أكثر من ملام

أكاد

أفقد كل منطق

وأى ادب أو إحترام

هل تسمعنى يا (رع)؟

أم مشغول

(كالعادة)

بالظالمين والفاسدين

وتجار الدين

وكبار القوم والعظام

لمتين يا (رع)

بتمد فى حبال الصبر

للجبروت وللكهنوت

وللطغيان

يا (رع) خبرنى

متى الطوفان؟

ومتين

يتحقق حلم الإنسان

فى كون

ما فيهو لئام

وشلة اقزام؟

مقطع ثالث

(رد عاجل من رع)

الحل فى ثلاثه

وغيرهم

ما عندى كلام

عصيان – ثورة – إعتصام

...............

تاج السر حسين

28/أبريل/2016

ثلاثة

السبت، مارس 28، 2020

قصيدة: شعب معلم وأغنية انا سوداني

(شعب معلم)

***

لما يقرر

ولما يصمم

منو الدنيا

تقيف تتعلم

***

شعب (أصم)

علي التغيير

صمم وبصم

فنان ومنظم

علي الجدران

كتب ورسم

لا بقودو دليل

لا دخيل ترجم

***

في ديسمبر

سلمية هتف

شعبي الأسمر

وخلي الدنيا

عليو تتكلم

مرات هبه

ومرات صبة

كبار وصغار

وحتي اللسه

بتاتي وبحبي

***

بالمدنية

بنادي وبحلم

والشهداء الأبرار

محجوب وأنس

وانصاف

وباقي رفاقهم

قالوها عديل

(ما بنخاف)

وادوا قسم

***

بالروح والدم

حياتنا فداهو

عشان يفضل

شامخ

وفوق في

علاهو

***

وطن العزة

انيق ومهندم

الحرية

فتحنا ابوابها

سلام وعدالة

عشان نتقدم

***

وللمستقبل

رؤية عميقة

ومن تاريخنا

اكيد نتعلم

كل سوداني

مكانو عيونا

وين ماكان

عزيز ومكرم

***

بعد الثورة

مافي مهانة

وحقو نجيبو

لو اتظلم

ما بنسيبو

يعاني براهو

ولو قصرنا

او اتخازلنا

وطنا الغالي

علينا محرم

***

شعب (اصم)

للتغيير

وقع وبصم

وسودانية

اسمي هوية

لا إثنية

ولا جهوية

لازم نتوحد

ولازم نتلم

***

بعد الثورة

لا نفقد روح

لا زول يظلم

لا يجري الدم

والكل يسلم

***

والخير الفيهو

بينا مقسم

شعب معلم

لما يقرر

ولما يصمم

منه الدنيا

تقيف تتعلم

***

تاج السر حسين

30 أغسطس 2019

السبت، مارس 21، 2020

((سودانوية))

-----

سودانوية

ست الدنيا

من كل جهات

سودانا جيناتها

عسل عينيها

وسمرة لونها

زادو حلاتها

زينة اخواتها

ياها سماتها

وياها صفاتها

قامه وهيبه

حنينة وطيبة

مهذبه رائعة

لا ريب

سودانوية

ميه الميه

---

ست الدنيا

فخر اخوانا

شاغله عقولنا

وجوه قلوبنا

ليها مكانه

ياها حياتنا

وياها منانا

هي فرحنا

وهي شقانا

هي صباحنا

وهي مسانا

هي انفاسنا

وبرضو هوانا

لو في حقها

يوم قصرنا

تزيد في حنانه

ست الدنيا

ذوق وانسانه

فيها كتبنا

عيون اشعارنا

وليها بنهدي

احلي غنانا

سودانوية

مية المية

ست الدنيا

سمحة وجيهة

زينة وجيهة

غيرها محال

نقبل جيهة

وين ما نروح

نعود ونجيها

حلاة الخطوة

في مشيها

بتشبه روحها

مافي شبيهة

سودانوية

مية المية

---

ست الدنيا

ظلالها وريفة

كريمة وراقية

عفيفة شفيفة

زي النسمة

رقيقة لطيفه

مهذبه راسية

بتكرم ضيفه

لا بتكل

ولا بتمل

شتاها

وصيفها

سودانوية

مية المية

---

ست الدنيا

فاهمه نبيله

زوله جميله

مافي مثيله

ونحنا معاها

وعينا في عينها

بنشتاق ليها

نقول يا حليلها

سيدة جيلها

مهرة اصيلة

زي تاريخها

وجريان نيلها

سودانوية

مية المية

---

ست الدنيا

زي القمرة

في سماها

ملكة نجومها

بي وراها

لا ثرثارة

لا نمامة

حاشاها

لو سرح

الخيال

فى لحظة

تاه ونساها

وين ما نروح

بنرجع ليها

ترد الروح

ننادي عليها

زينة اخواتها

ياها سماتها

وياها صفاتها

عسل عينيها

وسمرة لونها

زايده حلاتها

سودانوية

ميه الميه

---

ست الدنيا

سمحة وجيهة

زينة وجيهة

غيرها محال

نقبل جيهة

وين ما نروح

نعود ونجيها

حلاة الخطوة

في مشيها

بتشبه روحها

مافي شبيهة

سودانوية

مية المية

========

تاج السر حسين

كمبالا - 17/7/2018

قصيدة: يا نديدة واغنية تراثية "مريومة"

"يانديدة"

---------

ياعنيدة

وزي خيالي

فوق سماي

محلقة

ودائما بعيدة

كيف اقيف

منك محائد

وإنت اكتر

من نديدة

والله شاهد

بينا اكتر

من مشاهد

وذكريات

رائعة

وفريدة

بيني بينك

احساسات

عديدة

بيني بينك

دم وإلفة

وهم وريدة

بينا عالم

لونو اخضر

وناس منانا

تكون سعيدة

بيني بينك

رؤية ثاقبة

في كل يوم

تصبح جديدة

يا نديدة

وحات عيون

عسلية عندك

عائز اكتب

فيك قصيدة

احلي من

كل القصائد

لا قديمة

ولا جديدة

الحروف

ما اظن تعاند

وانت في صمتك

جمال

متنامي زائد

وفي كلامك

حاجه خاصة

بتتعب

الراهب

وعابد

عائز أكتب

فيك قصيدة

ما نظم

شاعر مثيلها

فيها منك

لمحة رائعة

وفي الحقيقة

كل حاجاتك

بريده

والذكريات

حلوة وجميلة

حتي لو

كانت قليلة

وإبتساماتك

خجولة

يا حليلك

ويا حليلها

------------ تاج السر حسين