اغنية (النهاية) سيد خليفة وقصتها!

النهاية كلمات :

هاشم صديق أداء سيد خليفة

يا فتاتي الشاعر محمد سعيد العباسي اداء الفنان الطيب عبد الله

 {يا فتاتي} 

                         

     الأغنية - أداء الطيب عبد الله

"بغنيلك" قصيدة جديدة للوطن - نضال حسن الحاج

(أغنية      لاشوفتن تبل الشوق

                          "نضال حسن        الحاج"

     تبكي الوطن    في قصيدة مؤثرة. 

   "نغنيلك'"

  أمستردام: الجمعة/1 نوفمبر

  صحيح صوت الشعر مبحوح

 صحيح رحلت بلابل الدوح

  صحيح كل ما أذكر   إسمك

  يسد حلق القصيد النوح

  ننوح لكن نغنيلك

********

  منو غير شعبك   الطيب

  بقعد ضيوفو بي حرم

  منو غير شعبك  الطيب

 بقول يابا وهو قاصد العم

  منو غير شعبك  المسكين

  بضبح لي الضيوف   بالدين

  ويغنيلك ويجر النم

********

  نغنيلك ولا حيموت   صبرنا عليك

  نشيل حيلنا وتشيل حيلك

  يموت حيلنا وتشد حيلك

  نغنيلك وننزح لكن نغنيلك

  براك عارف الحمل   راجيك

  وبنات الغني المرقن كريعاتن

تزازيلك

   بغننك وأناشدنك

عليك الله تشد حيلك..

قصيدة: بقيت لامن اجيك غلطان واغنية يا جميل يا مدلل

 (يا جميل يا مدلل)

(قصيدة: لامن اجيك غلطان) 

بقيت لامن اجيك غلطان

معاي اعذاري واشكيلك

بجيك انا.. طالب الغفران

وبخلي دموعي تحكيلك ...

بجيك والدمعه في عيني

وبلقي دموعي ما هاماك

شنو الخلاك تقسي علي 

وانا طول عمري كايسه رضاك

شوف كم غلطت على

وشوف كيف بالسماح جيتك

بفتش ليك في الأعذار 

ولا في مره جافيتك

عشان عيني بريدوك

وعشان عينيك صافيتك 

لأنك انت روح الروح 

بكل حواسي حبيتك 

وبقيت لامن اجيك غلطان 

معاي اعذاري واشكيلك 

بجيك انا طالب الغفران 

وبخلي دموعي تحكيلك  

   ______

 #عنوووب

قصيدتي التي كتبتها بعد اعدام الشهيد محمود محمد طه ووصيته للرجال وختاما انشودة يا غريبا

 "1" 

انشودة:

 (يا غريبا عاش في ارض غريبة)

"2"

قصيدتي: 

(أعظم الشهداء)

 التي كتبتها بعد اعدام الشهيد الحي/ (محمود محمد طه) 

                 🌿🌿🌿🌿                 

ثابت علــى المــــــبدأ

رهيب فى بسمتك تتحـــدى

لما القناع من هيبتك أنزاح

طرفك لا رمش لا أرتد

   * * 

مكتوف الأيادى

 واقف عديل ما أنهد

مجنزر، فى هيبة تقدل 

شامخ فى السماء الممتدة

بى صمتك حاكمــت الجهـــل والحاكمـــوك بالــرده

               * *            

     (أستاذ) العصـور

 سيرتك نقية وعطرة

للأحــرار منار

 وخــلدت أروع ذكــرى

حوضك صافى

 مافيهو مــوية عكــــــره

أخجـلــت القــدام 

أهــل المديح والشكـره

وأهديت الزمان 

(اسمى) وأعظم (فكره)

              * *            

ترياق للنفوس 

من نشأتك، ولى آخر الأيام

افنيت العمـــر تبنى وتجدد وتنشرالإســـلام

بالفهم الصحيح

 والدعــوي والإعلام

أدواتك حروفك 

وسـلاحــك الأقـــلام

نظــراتك معــانــى 

وحكم وكــــلام

فى صمتك، عميق

ما بهمك الإعدام

وفى حزنك تأمــــل

ساكـن معـاك دوام

همـــك صـــلاح الكون

 والـدنيا تبقى سلام

  * * 

أتباعــك رجــال

 ثابـتـين دوام قـــــدام

طاهرين الأيادى 

صادقين لسان وكرام

حافظين الوصية

 – دائما – صيام وقيام

لو الموت ( شريعتك)

 كان لاقوه فى الاحرام

منو القبلك

 شهد بى روعتو الأعداء

مـنـــو المشى (للشنـق)

 وفــى بســـمة إتحدى

منو المشت النجوم

 فى دربو تستهدى

منو النزلت 

شمــــوس العـــــزة تستجدى

ثم أنزوت خلف السحاب

عشان اكتب سطر اهداء

قليل لو قلنا 

فى وصفك عظيم

أو قلنا أنك

 أعظم الشهـــــــداء

                   __________

                         "3"

((وصية الشهيد للرجال - في حق المرآة))

                  _______

++وصيتي للرجال..

 اعلموا: أن الصورة التي تعرض نفسها دائماً على الأذهان، عند الحديث عن حقـوق المرأة، تلك الصورة التي تجعل الرجل والمرأة ضدين، لبعضهما البعض، يتنازعان حقا بينهما، في خصومة، ولـدد، فإذا كسب أحدهما خسر الآخـر، هـذه الصـورة شائهة، وخاطئـة.. إن قضية المرأة ليست ضد الرجل، وإنما هي ضد الجهل، والتخلف، والظلم المـوروث.. وهي، من ثـم، قضية الرجل والمرأة معا.

++ويقول الشهيد:

يقول العارفون: إن الصلاح ((امرأة)).. ويريدون بذلك أن يقولوا: أن المرأة الصالحة إذا تزوجها الرجل الصالح، أو تزوجها الرجل الطيب، كريم الأخلاق، سخي اليـد، حسن الدين، فإنها تنجب ابنا صالحا.. ولكن الرجل الصالح إذا تزوج امرأة مرذولة، دنيئة النشأة، رقيقة الدين، كزة النفس، فإنـه لا ينجب إلا أبناء فاسدين، رقيقي الدين، سيئي الخلق.

++ويقول الشهيد:

ثم إن أحدنا، في جميع أطوار حياته، محاط بالمرأة، من جميع أقطـاره.. فهي الزوجـة، وهي، قبـل ذلك، الأم، وهي، بعد ذلك، الأخـت، والبنت.. ثم إنها هي تحت جلدنا، وفي إهابنا.. على أصوله لا على فروعـه..

++ ثم يقول أخيرا فى وصيته للرجال:

* عينوا النساء على الخروج من مرحلة القصور، ليستأهلن حقهن الكامل في المسئولية، حتى تنهض المرأة، وتتصرف كإنسان، لا كأنثى.

* غاروا على النساء.. ولا يكن مصدر غيرتكم الشعور بالامتلاك، كما هي الحالة الحاضرة.. ولكن غاروا على الطهر، وعلى العفة، وعلى التصون، لدى جميع النساء.. وسيكون من دوافع مثل هذه الغيرة أن تعفوا، أنتم أنفسكم، فإنه وارد في الحديث ((عفوا تعف نساؤكم)).*

* تسلطوا على النساء!! ولكن لا يكن تسلطكم عليهن عن طريق الوصاية، ولا عن طريق القـوة، ولا عن طريق الاستعلاء - استعلاء الذي ينظر من أعلى إلى أدنى- ولكن تسلطوا عليهن عن طريـق الحب.. أحبوهن، وتعلقوا بالمكارم، والشمائل، والرجولة، التي تجعلكم محبوبين لديهن.. فإن المـرأة إذا أحبـت بذلـت حياتـها فـداء لمن تحـب.. فليكـن هـذا طريقكم إلى ((استغلالهن)).

قصيدتي (دموع الغربة) واغنية (لا شوفتن تبل الشوق)

 ((لا شفتن تبل الشوق))

((كلمات اغنيتي دموع الغربة))

 *لحنها مجذوب اونسه ثم ادخلها* ثلاجته

((دموع الغربة))

يا القضيت عمرك

 في غربة

وكل زماناتك 

غريبة

ما النسائم الحلوة 

عدت

كيف تعيده

وكيف تجيبه

ما تكنر الطلة

 وما تطول الغيبة

الغربة نار حرمان

يا ربنا نسيبه

ناس

 بتفرح بي حبيبه

وقصة

افراحم عجيبة 

وناس بتشقي 

وكل يوم 

زائد لهيبه 

وناس بتقبل

 بالبصيبه

وترضي 

بالقسمه ونصيبه

مر عيدي 

وفوت وروح

والفراق 

اكبر مصيبه

ناس 

في دموعه

تصبح وتمسي

وناس

 بتتغرب سنينه

وناس بنقسي

و ناس تقاسي

وناس تعاني

 وناس بتعرف

كيف بتنسي

وهسه لسه

وبرضي

راجيها المراكب

لما ترسي

    ------------    

تاج السر حسين

حبي ليك كان زادي اغنية رائعة لها قصة اروع

 🌿حبي ليك كان زادى🌿

{اغنيةرائعة لها قصة اروع}

         *********   

أغنية قصتها حقيقية ومحزنة.

كتبها الشاعر المبدع على لسان فتاة مجروحة في إحدي مناطق الشايقية.

        💔اغنيةﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ💔

بدأت ﺍﻟﻘﺼﺔ ﻓﻲ ﻗﺮﻳﺔ ﻭﺍﺩﻋﺔ ﻣﻦ ﻗﺮﻯ ﺍﻟﺸﺎﻳﻘﻴﺔ بين ﻓﺘﺎﺓ ﻭﺷﺎﺏ ﻣﻦ ﻧﻔﺲ ﺍﻟﻘﺮﻳﺔ.

ﻛﺎﻧا ﻓﻲ ﺍﻟﻤﺮﺣﻠﺔ ﺍﻟﺜﺎﻧﻮﻳﺔ. فﻧﺸﺄﺕ ﺑﻴﻨﻬما ﻋﻼﻗﺔ ﺣﺐ ﻋﻔﻴﻔﺔ، ﺗﻮﺍﻋﺪﺍ ﺃﻧﻬما ﻳﻜﻮﻧا ﻟﺒﻌضهما البعض ﻭﻋﺎﺷا ﻓﺘﺮﺓ ﻣﻦ ﺍﻟﺤﺐ ﺍﻟﺠﻤﻴﻞ ﻣﻊ ﺍﻷﻳﺎﻡ.

ﺍﻟﻮﻟﺪ ﺳﺎﻓﺮ ﻭﺇﻧﻘﻄﻌﺖ ﺍﺧﺒﺎﺭه ﻭ ﺍﻟﺒﺖ ﺗﺸﻴﻞ ﻭﺗﺮﻓﺾ ﻓﻲ ﺍﻟﻌﺮﺳﺎﻥ انتظارا لحبيب ﺍﻟﻘﻠﺐ. ﺍﻟﻤﺸﻜﻠﺔ .... ﻭﺍﻟﻄﺎﻣﺔ ﺍﻟﻜﺒﺮﻯ ﺇﻧﻮ ﺃﺧﻮﻧﺎ ﻛﺎﻥ ﻋﺎﻣﻞ ﻟﻴﻬﻮ ﻗﺼﺔ ﺣﺐ ﺗﺎﻧﻴﺔ ﻣﻊ ﺑﺖ ﻣﻦ ﺇﺣﺪﻯ ﺍﻟﻘﺮﻯ ﺍﻟﻤﺠﺎﻭﺭﺓ. ﻭﺍﻟﻔﺘﺎﺓ ﻣﺎ ﻋﺎﺭﻓﺔ ﺍﻟﻘﺼﺔ ﺩﻱ ﻭﻣﻔﺘﻜﺮﺓ ﺇﻧﻮ ﺍﻟﺸﺎﺏ ﻣﺨﻠﺺ ﻟﻴﻬﺎ ﻫﻲ ﻭﺑﺲ.

ﻣﺮﺕ ﺳﻨﻴﻦ ﻭﺻﺎﺣﺒﻨﺎ ﻋﻤﻞ ﻟﻴﻬﻮ ﻗﺮﻳﺸﺎﺕ ﻭﺭﺟﻊ ﺍﻟﻘﺮﻳﺔ ﻭﻫﻮ ﻳﻔﻜﺮ ﻓﻲ ﺍﻟﺰﻭﺍﺝ.

ﺍﻟﻔﺘﺎﺓ ﻃﺒﻌﺎً ﻓﺮﺣﺖ ﺑﺈﻧﻮ ﻓﺎﺭﺱ ﺃﺣﻼﻣﻬﺎ ﺭﺟﻊ ﻭﺣﻴﺠﻲ ﻳﺨﻄﺒﻬﺎ. 

ﻓﻲ ﺍﻟﻴﻮﻡ ﺍﻟﺮﺟﻊ ﻓﻴﻬﻮ ﺍﻟﻌﺼﺮ ﻣﺸﺖ ﺇﻧﺘﻈﺮﺗﻮ ﻋﻠﻰ ﺿﻔﺎﻑ ﺍﻟﻨﻴﻞ ﻓﻲ ﺍﻟﻤﻜﺎﻥ ﺍﻟﻤﺘﻌﻮﺩﻳﻦ ﻳﻘﻌﺪﻭ ﻓﻴﻬﻮ ﻣﻊ ﺑﻌﺾ ﺯﻣﺎﻥ.

ﺇﻧﺘﻈﺮﺕ ﻭﺇﻧﺘﻈﺎﺭﻫﺎ ﻃﺎﻝ ﺑﻴﻬﺎ ﻟﺤﺪﻱ ﺍﻟﻤﻐﺮﺏ ﻭﺻﺎﺣﺒﻨﺎ ﻻ ﺣﺲ ﻭ ﻻ ﺧﺒﺮ.

ﺯﻫﺠﺖ ﺍﻟﺒﺖ ﻭﺭﺟﻌﺖ ﻋﻠﻰ ﺍﻟﺤﻠﺔ ﻭ ﻓﻲ ﺍﻟﻄﺮﻳﻖ ﺳﻤﻌﺖ ﺻﻮﺕ ﺯﻏﺎﺭﻳﺪ ﻭﺑﺪﺍ ﻗﻠﺒﻬﺎ ﻳﺪﻕ ﺑﺸﺪﺓ. ﺃﺳﺮﻋﺖ ﺍﻟﺨﻄﻰ ﺗﻤﻨﻲ ﺍﻟﻨﻔﺲ ﺑﺈﻧﻮ ﻳﻜﻮﻥ ﺳﺒﻘﻬﺎ ﻋﻠﻰ ﺑﻴﺘﻬﻢ ﻭﺧﻄﺒﻬﺎ ﻣﻦ ﺃﺑﻮﻫﺎ.

ﻭﺻﻠﺖ ﺍﻟﺒﻴﺖ ﻭ ﻣﺎﻓﻲ ﺃﻱ ﺧﺒﺮ، وﺍﻟﺰﻏﺎﺭﻳﺪ ﻃﺎﻟﻌﺔ ﻣﻦ ﺑﻴﺖ ﺍﻟﺸﺎﺏ .. ﺑﺮﺿﻮ ﺍﻟﻌﺸﻢ ﻣﺎ ﺇﻧﻘﻄﻊ ﻭﺇﻓﺘﻜﺮﺕ ﺇﻧﻮ ﺻﺎﺭﺡ ﺃﻫﻠﻮ ﺑﺎﻧﻮ ﺩﺍﻳﺮﻫﺎ ﻭﻧﺎﺱ ﺑﻴﺘﻢ ﺯﻏﺮﺩﻭ .. ﻭﻫﻲ ﺑﻴﻦ ﺍﻟﺤﻠﻢ ﻭﺍﻟﺤﻘﻴﻘﺔ ﺳﻤﻌﺖ ﺃﺑﻮﻫﺎ ﺑﻴﺴﺄﻝ ﻓﻲ ﺃﻣﻬﺎ ﻭﺑﻴﻘﻮﻝ ﻟﻴﻬﺎ .. ﺇﻧﺖ ﻳﺎﺍﻟﺤﺮﻡ ﺍﻟﺰﻏﺎﺭﻳﺪ ﺍﻟﻌﻨﺪ ﻧﺎﺱ ﺣﺎﺝ ﺍﻟﻀﻮ ﺩﻱ ﺷﻨﻮ؟ 

ﺭﺩﺕ ﺍﻟﺤﺮﻡ : ﺩﺍ ﻭﻟﻴﺪﻫﻢ

ﻋﺎﺩﻝ .. ﺭﺟﻊ ﺍﻟﻠﻴﻠﺔ ﻣﻦ ﺍﻟﺒﻨﺪﺭ ﻭﻗﺎﻟﻮﺍ ﺧﻄﺐ ﺑﺖ ﺍﻟﺤﺴﻦ ﻭﺩ ﺍﻷﻣﻴﻦ ﻓﻲ ﺣﻠﺔ ﻋﺒﺎﺱ.

ﻣﻦ ﺍﻟﻤﻔﺎﺟأة ﺍﻟﻔﺘﺎﺓ ﺳﻘﻄﺖ ﻣﻐﻤﻰ ﻋﻠﻴﻬﺎ ﻭ ﻣﺎ ﺻﺤﺖ ﺇﻻ ﻓﻲ ﺍﻟﻤﺴﺘﺸﻔﻰ ﻭﺻﺎﺣﺒﻨﺎ ﻻ بيهو ولا عليه ولا ﻫﻤﺎﻫﻮ .. ﻋﺮﺱ ﻭﺍﻟﻤﺴﻜﻴﻨﺔ ﺫﺑﻠﺖ ﺯﻫﻮﺭ ﻋﻤﺮﻫﺎ ﺍﻟﻀﺎﻉ ﻭﺭﺍﻫﻮ ﻭ ﻫﻮ ﻣﺎ ﺣﺎﺳﻲ ﺑﻴﻬﺎ ﻭﻻ ﺑﻤﻌﺎﻧﺎﺗﻬﺎ.

ﺣﻜﺖ ﺍﻟﻔﺘﺎﺓ ﻗﺼﺘﻬﺎ ﻟﻠﺸﺎﻋﺮ ﺍﻟﺮﻗﻴﻖ (علاء الدين عبد الرحيم) ﻭﺣﻠﻔﺖ ﻟﻴﻬﻮ ﺇﻧﻬﺎ ﺗﻌﺎﻗﺐ ﻗﻠﺒﻬﺎ وﺑﺈﻧﻮ ﻣﺎ ﻳﺤﺐ ﺑﻌﺪ ﺍﻟﺰﻭﻝ ﺍﻟﺨﺪﻋﻬﺎ ﺩﻩ، ﻭ ﺇﻥ ﺷﺎﺀ ﺍﻟﻠﻪ ﻫﻮ ﻳﻜﻮﻥ ﺳﻌﻴﺪ ﻭﻣﺘﻬﻨﻲ.

ﻓﻜﺘﺐ ﺍﻟﻘﺼﻴﺪﺓ ﻭﻛﺎﻧﺖ: 

🌿(ﺣﺒﻲ ﺃﻧﺎ ﻟﻴﻚ ﻛﺎﻥ ﺯﺍﺩﻱ )🌿 

التي ﺗﻐﻨﻰ ﺑﻬﺎ ﺍﻟﻔﻨﺎﻥ ﻋﺒﺪﺍﻟﺮﺣﻴﻢ ﺃﺭﻗﻲ  كوﺍﺣﺪﺓ ﻣﻦ ﺍﺟﻤﻞ أﻏﻨﻴﺎته.

ﻛﻠﻤﺎﺕ ﺃﻏﻨﻴﺔ :

((ﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ ))

 ----------

ﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ

 ﻭﻛﺎﻥ ﺟﻮﻩ ﺍﻟﺤﻨﺎﻳﺎ ﺩﻓﻴﻦ

ﻛﻨﺖ ﺑﻀﺎﺭﻱ ﻣﻦ ﺍﻟﻨﺎﺱ

ﻭ ﺧﺎيفه ﻋﻠﻴﻬﻮ ﻣﻦ ﺍﻟﻌﻴﻦ

ﻋﻠﻴﻪ ﺃﻧﺎ ﻛﻨﺖ ﺑﺼﻮﻡ ﻭ ﺃﻓﻄﺮ 

ﻋﻠﻴﻪ ﺑﻜﺎﺑﺪ ﺍﻟﻨﺎﺭﻳﻦ

  -----------

ﻛﺖ ﺑﺤﺴﺐ ﺳﻨﻴﻦ ﺍﻟﻐﺮﺑﺔ

 ﻟﻤﺎ ﺗﻌﻮﺩ ﻭﻛﺖ ﻟﻘﺎﻧﺎ ﻳﺤﻴﻦ

ﻧﻮﻧﺲ ﻓﻲ ﺑﺮﺍﺀﺓ ﺃﻃﻔﺎﻝ 

ﻣﻦ ﺍﻟﺤﺐ ﻧﺮﻭﻱ ﻧﻨﻬﻞ ﺯﻳﻦ

ﻭ ﻛﻞ ﻣﺎﻳﻮﻡ ﻳﺰﻳﺪ ﺍﻟﺒﻴﻨﺎ 

 ﻟﻤﺎ ﺑﻘﻴﻨﺎ ﻏﺎﺏ ﻗﻮﺳﻴﻦ

  _________

ﺃﺗﺎﺭﻱ ﺃﻧﺎ ﻛﻨﺖ ﻓﻴﻚ ﻣﺨﺪﻭﻋﻪ

ﻭﻛﻢ ﻣﻦ ﺯﻳﻲ ﻣﺨﺪﻭﻋﻴﻦ

ﻣﺎ ﻗﺎﻳﻼﻙ ﺗﻠﻌﺐ ﺑﻲ

ﺗﻌﻴﺶ ﺍﻟﻠﺤﻈﻪ ﺑﺲ ﻭﺍﻟﺤﻴﻦ

ﻣﺎ ﻗﺎﻳﻼﻙ ﺣﺒﻴﺐ ﺁﻻﻑ

ﻭﻗﻠﺒﻚ ﻗﺒﻠﺔ ﻟﻠﻀﺎﻟﻴﻦ

ﻭﻣﺎ ﻗﺎﻳﻼﻙ ﺗﻨﺴﻰ ﺣﺒﻴﺐ

ﺻﺒﺮ ﺭﺍﺟﻴﻚ ﺳﺘﺔ ﺳﻨﻴﻦ

ﻛﻴﻔﻦ ﻫﺎﻥ ﻋﻠﻴﻚ ﺗﻨﺴﺎﻩ

ﺯﻭﻻً ﻛﺎﻥ ﻋﻠﻴﻚ ﺣﻨﻴﻦ

ﻭﺗﺸﻐﻞ ﺑﺎﻟﻚ ﺍﻷﺷﻮﺍﻕ 

 ﻟﻤﻦ ﺗﺰﺑﻞ ﺍﻟﻴﺎﺳﻤﻴﻦ

ﻛﻨﺖ ﺩﺍﺍﻳﺮﺍﻙ ﻭﻛﺖ ﺍﻟﺤﺎﺭﺓ 

ﺗﺒﻘﻰ ﻟﻰ ﺩﺧﺮﻱ ﺧﺰﻳﻦ

ﻭﻛﻨﺖ ﺩﺍﻳﺮﺍﻙ ﻣﻘﻨﻊ ﺣﻮﺑﻪ

ﻭﻛﺘﻴﻦ ﺍﻟﻤﻀﺎﺭﻱ ﻳﺒﻴﻦ

    _______

ﻭﻛﻨﺖ ﺩﺍﻳﺮﺍﻙ ﻓﺎﺭﺱ ﺃﺣﻼﻡ

 ﺗﺸﺎﺭﻛﻨﻲ ﻭﻧﺘﻢ ﺍﻟﺪﻳﻦ

ﻭﻛﻨﺖ ﺩﺍﻳﺮﺍﻙ ﺷﺮﻳﻚ ﺍﻟﺮﻭﺡ

ﺃﺧﺪﻣﻚ ﺣﺎﻓﻴﺔ ﺍﻟﻘﺪﻣﻴﻦ

ﻭﻛﻨﺖ ﺑﺤﻠﻤﺒﻚ وﺇﻧﺖ ﻣﻌﺎﻱ

ﻣﺠﺮﺗﻖ ﺑﺎﻟﻌﺪﻳﻞ ﻭ ﺍﻟﺰﻳﻦ

ﻭﺟﻨﺒﻚ ﻓﻲ ﺷﻤﺎﻟﻚ ﻗﺎﻋﺪﺓ

ﺗﺴﻤﻊ ﻓﻲ ﺩﻗﺮ ﻳﺎ ﻋﻴﻦ

ﺗﺒﺸﺮ ﺯﻳﻦ ﻣﻊ ﺍﻷﺻﺤﺎﺏ

ﻭﺗﺘﺸﺒﻞ ﻣﻦ ﺍﻟﻮﺯﻳﻦ

ﻭ ﺃﻧﺎ ﺍﻷﺑﺤﺮﺕ ﺭﺍﻛﺒﻪ ﺍﻟﻤﻮجة

 ﺃﻛﻴﺪ ﻣﺮﺳﺎﻱ ﺑﻴﻦ ﻣﻮﺟﺘﻴن

______

ﻭﺩﺍﻋﺎً ..

ﻭﺩﺍﻋﺎً ..

ﻭﺩﺍﻋﺎً ..

ﻭﺩﺍﻋﺎً ﻳﺎﺳﺮﺍﺏ ﺧﺪﺍﻉ 

 ﻣﺤﺎﻝ ﻣﺎ ﺑﻴﺮﻭﻱ ﻋﻄﺸﺎﻧﻴﻦ

ﻭﺩﺍﻋﺎً ﻳﺎﺣﻠﻢ ﻋﺎﺑﺮ 

ﻳﺴﻌﺪ ﻭﻳﻔﺮﺡ ﺍﻟﻨﺎﻳﻤﻴﻦ

ﻭﺩﺍﻋﺎً ﻳﺎﻛﻼﻡ ﻣﻌﺴﻮﻝ

ﺣﺪﻭ ﻭﻣﻜﻤﻨﻮ ﺍﻟﺸﻔﺘﻴﻦ

ﻭﺩﺍﻋﺎً ﻳﺎﻗﻠﺐ ﻗﺴﺎﻱ

ﻻ ﺑﻴﺤﻦ ﻭ ﻻ ﺑﻴﻠﻴﻦ

ﻭﺩﺍﻋﺎً ﻳﺎﺳﺤﺎﺑﺔ ﺻﻴﻒ 

ﺷﺎﻳﻠﻪ ﻣﻄﺮ ﺿﻠﻴﻞ ﻭﺭﻫﻴﻦ

  _______

ﻭﺗﺒﺸﺮ ﺑﺨﺮﻳﻒ ﺟﺎﻳﻴﻨﺎ 

ﻳﺎﻣﺎ ﺍﻟﻨﺎﺱ ﺭﺟﻮﻩ ﺳﻨﻴﻦ

ﻭ ﻛﻞ ﺯﻭﻻً ﻳﻔﻜﺮ ﻓﻴﻬﺎ

ﻣﺎ ﻣﻌﺮﻭﻓﻪ ﺗﻨﺰﻝ ﻭﻳﻦ

ﻭﺃﻟﻒ ﺳﻼﻣﺔ ﻋﻠﻴﻚ ﻳﺎﻗﻠﺒﻲ 

ﻣﺴﺎﻟﻢ ﻭ ﺩﻳﻤﺔ ﻃﺒﻌﻮ ﺣﻨﻴﻦ

ﻳﺘﺎﻭﺭﻭ ﺍﻟﺸﻮﻕ ﻭﻳﻠﻌﺐ ﺑﻴﻬﻮ

ﺗﻨﺤﺮ ﻓﻲ ﺣﺸﺎ ﺍﻟﺴﻜﻴﻦ

ﺗﻌﺎﻭﺩﻭ ﺍﻟﺬﻛﺮﻯ ﺗﻨﺨﺮ ﺟﻮﻩ 

 ﻭﺣﺎﻟﻮ ﻳﺤﻨﻦ ﺍﻟﻤﺴﻜﻴﻦ

ﻭ ﺃﺧﻴﺮﺍً ﻟﻴﻚ ﺃﻟﻒ ﺳﻼﻡ 

ﻗﺒﻞ ﻣﺎ ﺗﺠﻒ ﺩﻣﻮﻉ ﺍﻟﻌﻴﻦ

ﻭ ﻗﺒﺎﻝ ﻣﻨﻲ ﻣﺎ ﺗﻌﺪﻱ

ﻭ ﻗﺒﺎﻝ ﺍﻟﻔﺮﺍﻕ ﻣﺎ ﻳﺤﻴﻦ

ﺑﺨﻴﺖ ﻭﺳﻌﻴﺪ ﻋﻠﻴﻚ ﺍﻥ ﺷﺎﺀ ﺍﻟﻠﻪ

ﻳﺒﻘﺎﻟﻚ ﻋﻤﺎﺭ ﻭﺑﻨﻴﻦ

ﻭﻗﻠﺒﻲ ﺃﻧﺎ ﺧﻠﻰ ﻓﻲ ﺃﻧﺎﺗﻮ

ﺑﻌﺪﻙ ﻳﺎﻣﺎ ﺭﺍﺟﻲ ﺃﻧﻴﻦ

ﻟﻮ ﻛﺎﻥ ﻳﺎ ﻗﻠﺐ ﺣﺒﻴﺖ  

ﺑﻌﺪﻭ ﺑﻌﺪ ﺣﻠﻔﺖ ﻳﻤﻴﻦ

ﺇﻥ ﺷﺎﺀ ﺍﻟﻠﻪ ﻣﺎ ﻳﻨﺘﻢ ﻟﻴﻚ ﻣﺮﺍﺩ

ﻻ ﺗﻀﻮﻕ ﺣﻠﻮ ﻻ ﺯﻳﻦ

ﻭﻋﻤﺮﻙ ﻣﺎ ﺗﺠﻴﻚ ﺳﻌﺎﺩﻩ 

ﻣﺎ ﺗﺘﻬﻨﺎ ﻗﻮﻝ ﺃﻣﻴﻦ

ﻭﺗﺎﻧﻲ ﺍﻟﺤﺐ ﻋﻠﻴﻚ ﺣﺮﻣﺎﻥ 

ﻭﻋﺪ ﺍﻟﺤﺮ ﺃﻣﺎﻧﻪ ﻭ ﺩﻳﻦ.