(ست الغناوي)
---------------
ست الغناوي
أوآه ياوجع
القصيد
يا جايه من
زمنن بعيد
ثورة غضب
مكتومة
جوه الجوف لهب
هتاف .. نشيد
حراقه
نيرانها بتقيد
مكتوبة بي
دم الشهيد
منقوشة فوق
غيمة بتمر
تتفقد الناس التعابه
الماسكه في اليدين جمر
ملح الأرض
اطفال الشوارع
واليتامي
المفقودين
والنازحين
والمشردين
ستات الشاي
ستات الكسرة
البسطاء
الغلابة
المهاجرين
العبروا البحر
لا زاد لا هوية
ولا اي احساس
بالخطر
الباعم السمسار
حوت البشر
الشالهم التيار
والموج غدر
لا وصلوا ساحل
لا ظهر ليهم خبر
ولا أتر
اللآجئين
بين اهلهم
وداخل ديارهم
عمال (الكنابي)
سكان الفضاءات
والفيافي
النائة ممتدة
وبعيدة
الرفيق فيها
الرياح
والصديق فيها
المطر
ست الغناوي
حاشاها
ما أتأخرت
في الإستجابة
بي نهمة
لفحت توبه
مرقت
ما ضلت السكة
في ذهابها
وفي ايابها
ما نست
تغشي المدائن
المترفة
وتجرد حسابها
الحالها بائن
بلا سؤال
او إنتظار للإجابة
بتذكر الناس
(المرطبة)
بى هنا
الما حصل
عاشوا في شقي
لا اتغطوا
بي ضل السحابة
لاشالوا هم
لا ضاقوا حرمان
لا حسوا بكآبة
لا عرفوا
ذل دنيا وصعابه
بتذكر الناس
(المرطبة)
بي هنا
بالناس المعذبه
بي هناك
ومن غير ميعاد
او منتدي
او جلسه
رايقة مرتبة
تلقاها جنبك
تدعم رؤاك
وتسانده
تناصر الفكرة
الجديدة
وبي محبة
وفي حماس
تضيف تزيده
-------------
تاج السر حسين
الجمعة، سبتمبر 15، 2023
(ست الغناوي) واغنية (انت يا ستنا)
الثلاثاء، نوفمبر 03، 2020
رمضان وأغنية ليه كل العذاب
((رمضان))
شهيد ظلم الإنسان لأخيه الإنسان----------------
حليل رمضان رمضان إنسان
زى كل الناس
فى أى زمان وفى أى مكان
لو كان فى الناس شعور وإحساس
ولو كان سودانا سودانا تانى
مازمن الأنجاس
رمضان ماكان مات بالشطة
وبالجزمة أنداس
خلينا نقول رمضان
مشي يسرق بس
ما سرق البسمة
وما حرم الناس
تحس با لنسمة
إمكن جيعان
أو خلى وراهو
فى البيت عيان
محتاج لى دواهو
رمضان
لا نازع فى سلطة
لا طمعان فى ملك
رمضان لا سرق الجمرك
لا بعرف دربو
ولا كم فدان
رمضان ضربوه
رمضان جلدوه
رمضان سحلوه
رمضان كتلوه
يا ناس فوق كم
ساقنو الدم
شن جابو دياركم
غير الجوع والضيق والهم
رمضان كتلوه المقهورين
زى حالو تمام
كتلوه المخدوعين
بالدين كتلو ضاحكين
وبدون إحساس
رمضان إنسان
زى كل الناس
كتلوه مجاهدين الزيف
ديل القالو بكرموا الضيف
كبروا هللوا
ودمو اتفرق بينهم
ياها شريعة دينهم
قش أكسح أمسح
ولمن تخلص
إتوضأ وكبر
وصلى وأمدح
رمضان
ما كتلوه براهو
يمين كتلونى معاهو
وذبحوا إحساسى
ودمو ينقط
ذبح الشاة وحمامة
رمضان ما كتلوه براهو
بل كتلوا معاهو
رجولة حبة
فضلت فينا
وباقى شهامة
عن اى وهم
عن أى كرم نتكلم
وبأى شرف بنفاخر
وعن ياتو كرامة
وعن أى تسامح
نحكى
ورمضان بستعطف
بترجى وبصرخ وببكى
وبضربو فيو
عشرين تلاتين
بنى آدم
فى زمنن واحد
ضربوه بالسوط
ضرب الموت
وسلخو سلخ النملة
لا واحد مسك
أيدينهم
قال لإخوانو
با ركوها يا ناس
خلوهو خلاص
لا واحد حلف يمين
سامحوه
يا ناس الغل
ملأ كل الأنفس
والحقد إتفشى
والكاتل مقهور
بتنفس
فى زول مسكين
عدمان الحبة
والطيبة الفينا
بقت أكذوبة
زى أى عمامة
لافيها منافق
فاسد يكبر بيها
عشان يدوهو زعامة
وهيبه
بالمجد الزائف
نتباهى ونقدل
وكل زول خائف
من ضلو
ولابد لى أخوهو
وقدامو بلاطف
نفاق با لجد
نفاق فايت الحد
وينو شموخنا
وعزة روحنا
وينها قيمنا
وطول القامة العاليه
وسامقة
أوهام وكلام
بنبيعو
بأبخس قيمة
وباقى وكتنا
نقضى نميمة
يا للعار
تاريخنا حقيقة
نصو مزيف
وكله هزائم
ولما نلاقى
ضعيفا أعزل
ننهر فيهو
وننتر
ونصبح
جيشا كاسر
مغول وتتر
ولما نواجه
خصما أقوى
نلبد نتضارى
ونرفع يدينا
يا الله سلامة
رمضان شن سوه
يا أجبن بشر
فى الدنيا
ويا أحقر
رجال فى العالم
ما خليتو مكان
فى جسمو
الا وفيهو جرح
وعلامه
يا رمضان
شن بتقول
وكت تلقاهم
واقفين بجوارك
أمام المولى
يوم تجتمع
الناس فى قيامة
رمضان ضربوه
رمضان جلدوه
رمضان سحلوه
رمضان كتلوه
وخلو كبارهم
عايشين دنياهم
ديل اسماهم
براها تخوف
عمر وجمال
وصلاح واسامة
ديل الدنيا
بين ايدينهم
زى السبحة
وكل الناس
تركع قدامهم
ديل لو سرقوا
ورضوا بالوثبة
ديل لو نهبوا
وما خلوا الحبة
لا زول بتكلم
لا عقاب لا ملامة
رمضان ما نازع
يوم فى سلطة
و لاحتى وظيفة عامل
و لا طمعان فى ملك
لا سرق الجمرك
ولا بعرف دربو
رمضان إنسان
زى كل الناس
جابتو قسمه
وحظو العاثر
كان حلمو
يطلع بى حتة
هدمه
تسترعرضو
أو بس لقمة
أو خلى وراهو
فى البيت عيان
محتاج لى دواهو
رمضان إنسان
زى كل الناس
فى اى زمان
وفى اى مكان
لو فى الناس
شعور وإحساس
ولو كان سودانا
سودانا تانى
ما زمن الأنجاس
رمضان ماكان
مات بالشطة
وبالجزمة إنداس
---------
تاج السر حسين
3/11/2015
الخميس، سبتمبر 10، 2020
قصيدة: الشعب الرائع واغنية حدودنا زمان
(الشعب الرائع)يا شعب يا رائعزي القمر في سماكوزى النجم ساطعيا شعب نبيللا ليك شبيهولا ليك مثيلما إنت اصيلزي تاريخكزي كرمة ومرويونهر النيليا شعب جميلياروعةجيل وراء جيلمعروف سودانيما شيتن تانيلاك بخيللا إنت انانيحاشاك بالحيلفي الحارة تجودبالدم والروحومكان ما يميلالحق بتميلايد في ايديلاك نهتفويلا ننادينفج الدنيانفوت بى (غادي)"لا جلابي ولا غرابيلا نوباوي ولا بيجاويلا فوراوي ولا حلفاويلا شايقية ولاجعلية"لا إثنية ولا جهويةسوداني وبسمية الميةسوداني وبسفي اي مكانسوداني اصيلواروع إنسانكلام قالوهوجدودنا زمانوصونا كتيرعلي بلدن طيبسمو السودانيازول راكزخليك معتزبى وطنك ديمهمن غير وطنكلا تعيشمرفوع الراسلا عندك قيمةلا تشرقشمس صباحكلا تبلل ارضك غيمةايد في أيديلاك نهتفويلا نناديلا تمييز لا جهويةوالقبلية يجب تجريمهوبلدنا الطيبةنعيد ترميمهنشيد ونبنيوطنا غاليمكانو قلوبناودائما عاليايد في ايديلاك نهتفويلا نناديحرية سلام وعدالةعراقة شعبكرم واصالةشعب جسورشموخ وبسالةشعب صبورلما يثوركل الدنياتقيف مندهشةوتاخد بالها------تاج السر حسين
الأحد، سبتمبر 06، 2020
فصيدة: الفرعون واغنية انت يا سودان حبيبنا
((الفرعون واللف فى الفاضى))
___________________
لف يا زول ودور وحوم
اصلو الدنيا ما بتدوم
بعد الصين أمش تايوان
وأغشى معاك كمان تايلاند
وعوم فوق (المقلد) عوم
منو الراجى البلد ترتاح
معاك فى يوم
قسم بالله يكون زيك
أكيد موهوم
حوار زندية ولوى يدين
متين أنصف، حوار مظلوم؟
متين رجع، حقوق مهضوم
بدون تحلف تصر وشك
متل فرعون
أو زى الخلقت الكون
عليك با ئن لاك مرتاح
ولا عينيك بتعرف نوم
ده لو حال زول
غلط فى يوم
ماقاصد
(قضاء وقدر)
كتل ليو روح
وغلبو النوم
سواق بص
دقس لحظة
وغشاهو نعاس
تحت عجلاتو
مات الزول
وفى الكركون
طلع زيتو أبكباس
وصبح مهموم
كانت ليلتو ليلة عيد
لا فرح عيالو بلعبه
لا جاب للولية هدوم
وإنت كتلت كم مليون
عشان عينيك تعرف النوم
صغار النوبة
ونساء دارفور
وناس أدروب
لا خليت شمال لا جنوب
وفى سبتمبر الماضى
(عمن أول) قبل سنتين
قالوا الموت فات ميتين
يعنى الموت دخل الحوش
وصل (خرتوم)
وحتى الكانوا ديمه معاك
ناس أم دوم
لا خليت ولا أستنثيت
من القال يوم
نكير فى الموت ، بفرز كوم؟
حوار زندية ولوى يدين
متين أنصف، حوار مظلوم؟
متين رجع، حقوق مهضوم؟
منو الراجى البلد ترتاح
معاك فى يوم
قسم بالله يكون زيك
أكيد موهوم.
__________
تاج السر حسين
4/9/2015
الثلاثاء، يوليو 28، 2020
السبت، يونيو 27، 2020
قصيدة: نطق الحرف واغنية أحلي البنات
وأقيف
أتأملك
ايد في أيد
بين شفاهك
أموت شهيد
نطق الحرف
فوق الوصف
وعذاب شديد
ياريت تعيد