* خلــق الجمــــال *

نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ. الأستاذ محمود محمد طه

الخميس، أكتوبر 12، 2023

قصيدة رائعة: لا تشك للناس جرحا انت صاحبه

الشاعر كريم العراقي .. والنسخة المجددة من قصيدته: ((لاتشك للناس جرحا انت صاحبه)).

الشعب الرائع وأغنية الاوصفوك

((الأوصفوك))

(الشعب الرائع

=====

يا شعب يا رائع

زي القمر في سماك

وزي النجم يا ساطع

يا شعب نبيل

لا ليك شبيه

ولا ليك مثيل

ما إنت اصيل

زي تاريخك

زي كرمة

ومر وي

و(موية) النيل

يا شعب

يا معلم

من غير نسال

ومن غير تتكلم

ما عائزة دليل

معروف سوداني

ما شيتن تاني

يا روعة جيل

وراء جيل

لا انت بخيل

ولا إنت اناني

يا راكز حاشاك

بالحيل

في الحارة

تجود

بالدم والروح

ومكان ما يميل

الحق بتميل

ولو روحك

رجعت

للساحة تعود

من اول وتاني

يا شعب جميل

ايد في ايد

يلاك نهتف

ويلا ننادي

نفج الدنيا

نفوت بى

(غادي)

"لا جلابي

ولا غرابي

لا نوباوي

ولا بجاوي

لا فوراوي

ولا حلفاوي

لا شايقية

ولاجعلية"

لا إثنية

ولا جهوية

سوداني وبس

مية المية

سوداني وبس

في اي مكان

سوداني اصيل

واروع إنسان

كلام قالوهو

جدودنا زمان

وصونا كتير

علي بلد الطيبة

بلد الخير

علي معني

جميل

اسمو السودان

يازول يا راكز

يا عزيز

معتز

بى وطنك

ديمه

من غير وطنك

ما بتسوي الحبة

لا بتهطل

علي ارضك

غيمة

من غير وطنك

ما عندك قيمة

ايد في أيد

يلاك نهتف

ويلا ننادي

لا تمييز

لا جهوية

والقبلية

يجب تجريمه

وبلدنا الطيبة

نعيد ترميمه

نشيد ونبني

وطنا غالي

مكانو قلوبنا

ودائما فوق

في العالي

ايد في ايد

يلاك نهتف

ويلا ننادي

حرية سلام

وعدالة

عراقة شعب

كرم واصالة

شعب جسور

شموخ وبسالة

شعب صبور

لما يثور

كل الدنيا

تقيف مندهشة

وتاخد بالها

====

تاج السر حسين

1 فبراير 2020

الأربعاء، أكتوبر 11، 2023

قصيدة ميلاد تغنيها نانسي عجاج

*ميلاد*

*كلمات الأستاذ فيصل عبدالحليم*

*ألحان و أداء الفنانة نانسي* *عجاج*

---------.

يا ليتهم ...

وبنفس

قوة

بطشهم

بالأبرياء ...

بطشوا

بمن

سرق

الرغيف

من الجياع

أو ليتهم ...

و بنفس

نهمتهم

على سفك الدماء

إسترجعوا

شبرا

من الوطن المضاع

لكنهم

و لبؤسهم

هم نفسهم

من أورد الناس

المهالك

و المذلة

بالخداع ...

من أين

جاء

هؤلاء؟

خذني حبيسا

كن رئيسا

!! جرع الناس الشقاء

من أين

جاء

هؤلاء ؟

خذني حبيسا

كن رئيسا

و لترق كل الدماء !!

من أين

جاء

هؤلاء؟

و لأي دين يتبعون ؟

لا يشبهون الناس

في بلدي

بتاتا

لا هم لأرضنا ينتمون !!

من أين

جاؤوا

يحكمون ؟

لكنهم ...

لا يعلمون

بأننا

أبناء

تاسيتي

العظيمة

و المقرة ...

أحيت النيران

من سنار فينا

صلاتا

بالتآلف

مستمرة

عظماء ...

من طين

المكارم

قد خلقنا ...

و كستنا

الشمس سمرة

طيبون

قلوبنا

بالحب تهدي

الأرض

وردا

و سلاما

ثم للناس

المسرة

الاثنين، أكتوبر 09، 2023

سيدة الجنس الظريف واغنية امير الحسن

(سيدة الجنس الظريف)

..................

يا ستنا

يا سيدة الجنس

الظريف

عبر العصور

والأزمنه

طال الفراق

إنت بهناك

وأنا بى هنا

ورينى بس

شن الفضل

من حبنا

غير الغنا

وكلمات مجاملة

والمنى

* * *

يا ستنا

يا سيدة الجنس

الظريف

ورينى كيف

دنيانا يوم

تعرف نسائم

أو خريف

وسمانا

ماليها الحزن

ومن بين

يدينا

إتسرب

العمر اللطيف

زى حلم عابر

أوأحلى طيف

وبانت

تجاعيد الزمن

مكتول هواك

فوق الوصف

بس شن

أسوى مع

الوطن

* * *

يا سيدة الجنس

الظريف

يا ستنا

شنو الفضل

من حبنا

وفى كل يوم

زائدة المصاعب

والمحن

والعكننة

ومن غير نحس

سرح الزمن

وما فضل

من حبنا

غير الدموع

والحسرة والشوق

والشجن

* * *

يا ستنا

يا سيدة الجنس

الظريف

عبر العصور

والأزمنه

شنو الفضل

من حبنا

غير الذكريات

الحلوة ديك

والأمنيات

الطيبة ليك

والأغنيات

الديمه

بتذكرنى بيك

ولمن أشوف

خصلات

تعاكس

فى عيون

حلوات

شبه عينيك

* * *

يا سيدة الجنس

الظريف

يا ستنا

شنو الفضل

من حبنا

لو النهاية

بتنكتب

قبل البداية

وقبلما نختم

فصول

أجمل روايه

سرح الزمن

قبال

أكمل فيك

غنايا

وما فضل

من حبنا

غير المجاملة

والتحايا

والسلام

من عام لعام

وسؤال

مغلف بالحذر

والإحترام

الصحة كيف

وكل حاجه

تمام تمام؟

والسؤال

مفروض يكون

عن العيون

والإبتسام

ما الغزل

فى عيون نريده

صبح حرام

وبجيب كلام

والله

لا جاب الكلام

* * *

يا ستنا

يا سيدة الجنس

الظريف

عبر العصور

والأزمنه

شنو الفضل

من حبنا

غير المجاملة

والغنا

وسرح الزمن

ومرت سنين

شالت معاها

فرح أماسى

وطرب

سلم خماسى

وذكريات

فيها الجميل

وفيها المآسى

* * *

يا سيدة الجنس

الظريف

يا ستنا

ورينى بس

شنو الفضل

من حبنا

غير الأنين

وحرف حزين

وسر دفين

ما العمر

ودع رحل

وأنا فى البعيد

وإنت فى زحل

لا لاقى حل

ولا قادر أصل

وكيف العمل

لو مرة

عاودنى الحنين

وشوق السنين

ورينى بس

نتلاقى كيف

ونتلاقى وين

................

تاج السر حسين- نيروبى

25/12/2015

رسالة مستعجلة للإسكائب واغنية انا من صفاك

(طلب مستعجل للأسكاى بى)

يا الأسكاى (بى) حن وأرحم

وخليك عطوف

ماقالوا عليك حنين

بتسمع وتتكلم

وكمان بتشوف

ملهوفك ساعى

وفى حرمك

يلف ويطوف

راجيك تتلطف

بيهو وشويه

تقدر ليهو ظروف

يا (ألاسكاى) يا خاين

قبل أدخل وأعمل (ساين)

رسل ليها رساله

وريها أحوالى

وجيب لى احواله

قول ليها (الفيس)

فى غيابك مضلم وأستحاله

و(الياهو) براهو

حزنان متمحن

وحكايتو بطاله

يا (الأسكاى) ..

بلاى، خليك مره معانا

قول ليها الريده

السكنت جوانا

يا ست الناس

ما أنت اساسه

وحروف كلماتا

النديانه

شالت من ذوقك

أحساسه

وحياتك بنشوفك

جوه غنانا

لو فى رياضه

كتبنا أو فى سياسه

........

مرسلة بواسطة خلق الجمال في 7:21 ص

الأحد، أكتوبر 08، 2023

للوالدة آمنة بت نصر اطال الله عمرها والرحمة والمغفرة للواتي غادرن دنيانا

{ربنا يحفظ جميع الامهات والرحمة والمغفرة للواتي اللواتي انتقلن من دنيانا الفانية وجعل الجنة مثواهن}.
((قصيدة للوالدة العظيمة امنة بت صالحة - بت نصر رمز الصبر وعزة النفس والكبرياء)).
--------------------
مليون سلام
واكتب وأقول
عنك شنو
يا والدة
ياااااا بت
(النصر)
اكتب واقول
عنك شنو
ويكفيني بس
منك
تعلمت الصبر
في اصعب
الاوقات
وعزة النفس
الكتر
في الغربه
ياما وطيت
جمر
ومسكت
باليدين
جمر
والله ...
مشتاق ليك
كتير
شوقا بحر
انت وبلد
غالي وعزيز
فرقنا سلطانا
فقر
جنبك حداك
لا عشنا غم
لا عرفنا هم
لا ضقنا مر
لا مرت الأيام
سراع
لا ضاع عمر
بسال عليك
جواي
لو ما سأل
اللسان
وما تقولي
قلبي
عليك حجر
وبركة دعاك
دائما معاي
وارد
حضر
بلقاهو
فى رفقة
طريق
بلقاهو
لما الروح
تضيق
والقاهو
في زاد
السفر
بركة دعاك
احساس بعيشو
لو ما وصل
منك خبر
يا والدة
كيف الحال
وعارف اجابتك
للسؤال
(الحمد لله يا وليدي
نحنا بالف خير)
لو ما في خير
مع الكجر
وياها الوصية
الجايه
من تالاك فجر
علي نفسك ات
خلي بالك
ما نحنا
بي سيرتك
نطيب
وابدا محال
يغشانا شر
--------
تاج السر حسين
21/3/2019

الجمعة، أكتوبر 06، 2023

مريم الاخري نص وموقف لشاعرها لا يصدق!!

{مريم الاخري .. وهل هذا شعب يحكمه تنظيم ارهابي مجرم لمدة 30 سنة}؟!

++ثم يطمع ويطمح في المزيد؟!

-----------

= قبل نشر هذا النص البديع المذهل وانا شاعر .. دعوني احدثكم عن جوانب خفية من حياة هذا الشاعر الصديق المهندس الإنسان الحساس (محمد عبد الله شمو) إبن (كوستي) الذي عرفته من خلال صديق الطفولة والصبا اخي الذي لم تلده امي .. زميله الباشمهندس (سيف الدين) وكفي.

-----------

= قبل أن يكمل (شمو) دراسته في الهندسة الميكانيكية بجامعة اسكندرية في مصر، كان عائدا ذات مرة الي مكان دراسته بعد (إجازة) سنوية.

= تصوروا كان (شمو) يشعر بحياء وخجل شديدين أن يذهب (لوالده) الذي كان يعمل في موقع ما بالعباسية بام درمان بالقرب من سينما العرضة كي يطلب منه مصاريف السفر!!

= لذلك طلب مني أن أذهب معه لكي يمنحه وجودي جرأة وشجاعة أكثر دون أن يفصح لي بذلك السبب.

= وفعلا ذهبنا وبعد أن سلمنا علي ابيه شعرت بأن الشفيف المرهف (شمو) كان يعاني كثيرا جدا لكي تخرج كلماته بكل ادب ولطف وانكسار وهو يقول لوالده.

= اني راجع في الغد الي الإسكندرية وان شاء الله تكن معك (شوية) مصاريف ؟!!

= فهل هذا شعب يجب أن يحكمه لساعة واحدة لا 30 سنة ويطمح في المزيد تنظيم مجرم وارهابي كاذب وفاسد لا يملك ذرة من احساس أو شعور يسمي

ب(الإخوان المسلمين)؟!

هل يجوز هذا ؟؟؟؟؟؟

-------------

🌿قصيده مريم الاخري كامله🌿

"للشاعر محمد عبدالله شمو"

--------

هاهى الأرض تغطت بالتعب

البحار إتخذت شكل الفراغ

وأنا مقياس رسم للتواصل .. والرحيل

وأنا الآن الترقب .. وإنتظار المستحيل

أنجبتنى مريم الأخرى قطاراً وحقيبة

أرضعتنى مريم الأخرى قوافى

ثم أهدتنى المنافى

هكذا قد خبرونى ..

ثم قالوا لى ترجـّل

***********

ثم أنتِ ..

أنت ياكل المحاور .. والدوائر

يا حكايات الصبا

تحفظين السر ..

والمجد الذى

مابين نهديك .. إختبا

ليس يعنيك الذى

قد ضاع من عمرى هباء

وأنا .. يا صغيرتى ..

لست أدرى ما الذى

يدفعنى دفعاً .. إليك

ما الذى يجعلنى أبدو حزيناً

حين أرتاد التسكع ..

فى مرايا وجنتيك

لا عليك

تشهد الآن السفوح .. المطمئنة

نحن قاتلنا سنيناً .. وأقتتلنا

نحن سجلنا التآلف

فى إنفعالات الأجنة

وأحتوانا البحر ..

والمد اليقاوم ..

والشراع

يا هذه البنت التى

تمتد فى دنيايا سهلاً

وربوعاً .. وبقاع

ما الذى قد صبّ فى عينيك

شيئاً من تراجيديا الصراع

******

والمدى يمتد وجداً

عابراً هذى المدينة

خبرينى هل أنا أبدو حزينا

هل أنا القاتل ..

والمقتول حيناً ..

والرهينة

هل أنا البحر

الذى لا يأمن الآن السفينة ؟

خبئينى بين جدران المسام

قبلينى مرةً فى كل عام

فأنا أحتاج أن ألقاكِ فى كل عام

أنا أحتاج أن ألقاكِ فى ذرات جسمى

فى الشرايين المليئة بإنقلابات المزاج

فى إنعكاس الضوء

فى النافذة الأولى ..

وبلـّور الزجاج

.. هكذا قد خبرونى ..

ثم قالوا لى ترجل

***********

وعلى أطروحة الحلم المسافر ..

ألتقيك

على حمى الرحيل المستمر

.. الآن ..

فى كل المواطن ألتقيك

فى مساحات التوهج ..

فى جبينى .. ألتقيك

فى إنشطار الوقت ..

فى كل الذرى

وفى حكايات الطفولة ..

إذ يعود بنا الزمان .. القهقرى

آه لو تأتين يا سيدتى ..

من كل فجٍ .. وأتجاه

من عميق الموج من صلب المياه

تستطيعين التنقل بين أرجائى وظلى

تستطيعين التوهج .. عند لحظات التجلى

ولعينيك إمتلاك وثائقى .. حتماً .. وقلبى

ولعينيك التنصل .. عن مواثيقى ودربى

هكذا قد خبرونى .. ثم قالوا لى ترجل

**********

وأنا أبحث عن صيغة هذا البعد

هذا اللاّ نهائى

عن قرار الشعر ..

عن لون التـّغرُّب

بين جدران المقاهى

آه لو تأتين ... آهِ

تجدين الإِلف الممتد سهولاً ..

بإنتظارك

وأنا .. كالحذر المنساب .. خوفاً

بين صالات الجمارك

كالرحيل ..

كالترقب ..

وإنتظار المستحيل

هكذا قد خبرونى

ثم قالوا لى ترجل https://fb.watch/nvvL9z9Jc0/?mibextid=CDWPTG