(سحر القوافى)
ما بشيل فى خاطرى منك
ما العمر اصبح قصير
وما فضل منه الكتير
ومافى زول عارف ظروفو
وأيه يكون بكره
المصير
***
ما بشيل فى خاطرى منك
مهما قلت
ومهما زاد غضبك ،
غرورك وأنفعلت
لما بى احساسى بيك فى
لحظه بحت
بكلمه عابره ما قدرت
أخفيها عنك وأعترفت
***
ما بشيل فى خاطرى منك مهما دارت بى منافى
وما بعاتبك أو الومك أو اقول عنك مجافى
وما بغير ظنى فيك أو
ابدل اعترافى
وكيف أسيبك يا مناى وأنت
ملهم كل غناى
وفى عينيك سحر القوافى
........................................
تاج السر
حسين – كمبالا
18/11/2013
