((كان الشاعر عبيد عبد الرحمن))
يحلق شعره عند حلاق اسمه عبد الكريم
في محل بالقرب من حي البوستة بأم درمان.
واثناء الحلاقة
، بادره الحلاق بقوله :
(ظهرت ليك شيبة واحدة يا أبو عبدة)!!
فرد شاعرنا عبيد:
(كدي اقطعها اشوفها)!!
فقام الحلاق عبد الكريم بقطع الشيبة
ووضعها في كف شاعرنا الفذ.
ولما رآها أحس بالحسرة
وعلى الفور التهبت قريحته الشعرية
وفجر بركان شعره ونظم واحدة من أروع قصائده الخالدات:
حليل زمن الصبا والتي حملت اسم ديوانه الشعري
(زمن الصبا)
وما احوج الكثير منا في الوقت الراهن
لهذه القصيدة
وكان من ضمن الذين تغنو بها
الفنان الراحل مبارك حسن بركات
وميرغني المأمون واحمد حسن جمعة
وابراهيم الكاشف
نص الأغنية:-
حليل زمن الصبا الماضي
وحليل زهر الحياة الزاهر
حليل زمن الحبيب راضي
وحليل زمن الهوى الطاهر
حليلو الابلج الباسم
حليلو الكاحل الناير
حليل قمر السماء القاسم
لياليه وصبح داير
اه لو اه تفيد مجروح
والمثل القديم ساير
رهاب ماحصلوا الجاري
وسماءك ماحصلو الطائر
تجدني مراقب اخبارك
اذا النسمات بها تخابر
تجدني على الفراش مضنى
تجدني على الاسى صابر
انا البعدك وصون عهدك
وليتك كنت بي خابر
وليتك مرة تذكرني
ولو في ذكرك الغابر
فداك نوم عيني يانا ئم
وهل بلغك انامساهر
ارقب قي كواكب اليل
اراك بيناتها ماك ظاهر
اغض الطرف واتناوم
اقوك يا الحسنه لي جاهر
متين انطر محيك
بتين يا كوكبي الزهر
جمالك يسعد الشافك
حباحك يشرح الخاطر
مياسك ده الهلك ناسك
دلالك وبسمك الفاطر
عيونك وازدهار لونك
زهور وشم الندى القاطر
وروحك روح نسيم الروض
اذا مزجه الشذى العاطر
تعودلى مسالمتك سالم
بعودة سلامة يا مسافر
وفك زى ملاك رحمة
اشوفك زى غزاك نا فر
وف فيك هيبة الظافر
وف فى محيك البدر
البفوق بدر السماء السافر
ذكرى اهاجت الذكرى
دوام في فكرتي تخامر
حليل الماضي وليامه
حليل الرونق العامر
حليل زمن الحبيب طائع
حليل زمن الحبيب امر
زمنا الكنا لاندري
بما كان الزمن ضامر
