قصيده جديده : (حلم) .. وأغنية (أمير الحسن)

السنبله

 الله عليك يا سنبله
يا روعه حلوه مدلله

الله عليك يا (لو ) و(لا).

ياذوق وأحلى من العسل
يا راقيه ماليه الكون حلاه

(لو) .. بتمنحنا بصيص أمل
 و(لا) .. فيها كتيرغلاه

الله عليك .. نظرات عينيك مين بحمله

***

الله عليك .. يا غالية الغالين

يا رنة الوتر الطروب وحنين

يحفظك الله ويحميك من العين

آه لو يعود بينا الزمن مره

أو يزيد عمرك شويه سنين

***

الله عليك ..  يا (صغنن) يا حلم

يا جمال زائد علم

مافى زول شافك سلم
يا ربى ما تحسى بألم

***

يا سنبله .. ويا مذهله
يا شاغله كونا مزلزله
يا ريتنى املك غير عمر أهديهو ليك

أو جمالا غمر عينى وكت شافن عينيك

يا ريتنى املك غير حروف وسمح نظم

ويا ريتنى لو أعرف أخربش فى الرسم

عشان أنحتك فى جواى وشم

الله عليك .. الله عليك يا السنبله

تاج السر حسين