* خلــق الجمــــال *

نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ. الأستاذ محمود محمد طه

الخميس، سبتمبر 20، 2018

قصيدة: تعويضات مرفوضة وأغنية يا شعبا لهبك ثوريتك

سيد نفسك مين اسيادك

((تعويضات مرفوضة))

تحاسب مين تعوض مين

حاول مرة ياخ أخجل

تعوض مين

تحاسب مين

وإنت القاتل الأول

منو العائش بلا إحساس

عشان يقبل

عشان دم الشهيد ينباع

رخيص فى السوق

حاول مرة بس أرجل

ومهما تسوى أو تفعل

مصيرك بكرة تترجل

شباب سبتمبر الأعزل

هتافو السلمى كان أرحل

شباب زى الورد فتح

صبح مذبوح

دمو نزف روى المشتل

شباب من العلم ينهل

كان بقرأ وكان بكتب

وكان بعمل

كان بحلم بى وطن أجمل

غيمتو تقيف وما ترحل

عشان تسقي الحقول وترش

تساعد ماسك المنجل

متين تخجل

منو القال ليك

فى دم للبيع

منو البقدر

وكيف ..

أم الشهيد تقبل

منو البمسح ديمعاتا

من البحسب نيجماتا

يساهر الليل

معاها شهود

راجية جناها

حقو يعود

لا ضائع ولا منقوص

عارفه شهيده

فى الفردوس

كلو مناها

كان تحلم

تشوفو عريس

وجنبو عروس

وكان قبلت

قصادو فلوس

محال فى يوم

تكون أمو

متين سودانى

باع دمو

مهما صعبت أحوالو

وكتر همو

متين تمشو

وتفارقو بلدنا تتلمو

متين سودانى با ع دمو

تحاسب مين تعوض مين

حاول مرة ياخ أخجل

تحاسب مين تعوض مين

وإنت القاتل الأول.

___________

تاج السر حسين

12/ أغسطس/ 2015

ليست هناك تعليقات:

إرسال تعليق

الاشتراك في: تعليقات الرسالة (Atom)