قصيدة رائعة لنضال واغنية من طرف الحبيب

 (احظرني)

أحظرني لو حظرك بفيد 

وأمسح رسايلي الفي البريد 

شيل مني حالتك والظهور 

وأفعل كما نفسك تريد 

شنو يعني لو راسلتني 

وشنو من رسايلك بستفيد 

لو أنت ما عندك شعور 

من وين يجيك شعور جديد 

خلينى في حالي وبراي 

واكتب على حالتك عنيد 

صدق المشاعر ماأتصال 

لا خدمة ولاتفعيل رصيد 

ماتنسي صورتك في الغلاف 

وأمسح  معاك باقي القصيد 

ماتخلي عندك دردشات 

عشان بيها لي زكراي تعيد 

أمحاني من قلبك وشيل 

ريدى ألسكبتو علي الوريد 

ماتفتكر بحزن عليك 

 وازرف دموعي على الخدين 

صدقني مافارق معاي 

  تحظرني الله معاك شديد 

لا بي رسايلك عمري زاد 

  ولابي هواك عمري بيزيد 

  الم عندو قديم م عندو جديد 😂💔

(من طرف الحبيب)