صفا واحد
شعب (اصم)
لو اتكلم
كل الدنيا
تقيف تتعلم
صفا واحد
خلف الثورة
لا تهميش
لا نرضي بذلة
لا زول محتاج
لا تجوع الحرة
غير واطيها
شن تحرق جمرة
صفا واحد
ما ليو تاني
لا بينا عميل
لا زولا اناني
دستور للكل
دستور إنساني
يلا تعالوا
كفانا جدال
تعال يا آدم
ووين مرسال
ادروب يا كودي
ونادوا نضال
نشيد ونبني
وطن العز
والخير وجمال
من اجدادنا
ورثنا العزة
وأسمي خصال
لا بنتغير
لا بنتحول
لا بتغرينا
كنوز الدنيا
لا ببدلنا
جاه لا مال
وقبل
ما نبدأ !!
نحي الشهداء
الحققوا حلما
ظل محال
حرية
سلام
وعدالة
والسلمية
رفعنا شعارها
بروح وطنية
صمود وجسارة
شعبا طيب
شعب حضارة
صبور ومهذب
تعرفوا الدنيا
يوم الحارة
لا قبلية
لا جهوية
والمدنية
هدف ومبادئ
ليها الشعب
يغني ينادي
في اصرار
وإحساس
غير عادي
صفا واحد
خلف الثورة
كفانا حروب
وخلاف
ومهازل
لا بنتراجع
لا بنجامل
وكل سوداني
يعيش
في وطنو
الآمن
وعادل
لا تمكين
لا زولا خامل
صفا واحد
نحو الحل
والهدف الشامل
====
تاج السر حسين
ليست هناك تعليقات:
إرسال تعليق