(ياستنا)
متذكرة؟؟
يا ست العيون
المذهله
يافكره المذهله
فينا مأصله
ياقمره
عايزين نوصله
نتشابى
ما بنحصله
أشواقنا ليك
بنرسله
فى غنوه
أو
كلمات غزل
متواصله
ونتمنى
قبال ما تصل
أرواحنا
تمشى تحصله
...............
نتهنأ بى
أجمل ملاك وعيون
والنونه
والصوت المثير
وحنون
منك بنستلهم
جمال الكون
منك بنسترق
الفرح
وبتوشح
صباح الدنيا لون
..............
منك نعيش
نرجــى الأمــل
منك بنتاسى
الحصـل
مهما حصل
منك ( نضوق)
طعم العسل
.............
متذكره؟؟
يوم بحت ليك
بى حب عفيف
الدنيا زى
كانـت غـمــام
بتغنى للحب
والســـــلام
الريد بحر
وأحساس لطيف
لا ليهو ساحل
ولا عندو قيف
وأنا فى خيالى
سرحت
فى عالم ظريف
إنك معاى
وخطاك
ما ضلت خطاى
فى يوم خريف
لكنى فجأة
سمعت
فى جواى أقيف !!
...............
ياستنا . .
يا أحلى كلمةياستنا . .
بنرسمه
لوحة جمال
على كل دار
ونقسمه
عيديه للأطفال
طلت ورود متبسمه
يا رائعـة
يافـتـنه ودلال
ومقسـمه
يا صافيه
يانبع الزلال
يا نسمه
فى عز الهجير
نتنسمه
يا آيه
ياهيبه وجلال
يا نفحة
جايه من السماء
متذكره ؟!
وفاكراها
يا ست العيون
المذهلة
..............
تاج السر حسين
ليست هناك تعليقات:
إرسال تعليق